NEET: வேதியியல், இயற்பியல் வினாத்தாளை கசியவிட்ட மருத்துவர், ஆசிரியர் கைது

வினாத்தாள் கசிவு

மே 3 நடந்த இளநிலை மருத்துவப்படிப்புகளுக்கான நீட் தேர்வு வினோதாள் கசிவு கண்டறியப்பட்டதை தொடர்ந்து ரத்து செய்யப்பட்டது.

மகாராஷ்டிரா, ராஜஸ்தான் ஆகிய மாநிலங்களில் இயங்கி வந்த மிகப்பெரிய நெட்வொர்க் இந்த வினாத்தாள் கசிவுக்கு பின்னால் இருப்பது கண்டறியப்பட்டது.

இதில் வினாத்தாள் தயாரிப்பு குழுவில் இருந்த ஆசிரியர்கள், தனியார் பயிற்சி மைய நிறுவனர்கள் உட்பட பலர் அடுத்தடுத்து கைதாகி வருகின்றனர். சிபிஐ வசம் வழக்கு மாற்றப்பட்டதில் இருந்து அடுத்தடுத்து கைதுகள் நிகழ்ந்து வருகிறது.

இந்நிலையில் மகாராஷ்டிராவின் லாதூர் பகுதியைச் சேர்ந்த ஒரு மருத்துவர் மற்றும் புனேயைச் சேர்ந்த இயற்பியல் ஆசிரியர் ஒருவரை சிபிஐ அதிகாரிகள் அதிரடியாகக் கைது செய்துள்ளனர்.

இதன் மூலம் இந்த வினாத்தாள் கசிவு வழக்கில் இதுவரை கைது செய்யப்பட்டவர்களின் ஒட்டுமொத்த எண்ணிக்கை 13 ஆக உயர்ந்துள்ளது.