டெல்லியில் வாலிபரை குத்திக்கொன்று வீடியோ வெளியிட்டவர் கைது

டெல்லி ஷாலிமார் பாக் பகுதியை சேர்ந்தவர் நிதேஷ் (20). இவர் அதே பகுதியில் சாலையில் நடந்து சென்று கொண்டிருந்தார். அப்போது நிதேசுக்கும் அங்கு வந்த கரண் (18) என்பவருக்கும் சிறு வாக்குவாதம் ஏற்பட்டது. வாக்குவாதம் முற்றியதில் கரணுடன் வந்த மாண்டி (22) மற்றும் 18 வயதுக்குட்பட்ட சிறுவனும் சேர்ந்து நிதேசை கடுமையாக தாக்கினர்.

இந்தநிலையில் கரண் தான் மறைத்து வைத்திருந்த கத்தியை எடுத்து நிதேசை பலமுறை குத்தினார். இதில் நிலைகுலைந்த நிதேஷ் ரத்த வெள்ளத்தில் சரிந்து விழுந்தார். உடனே 3 பேரும் அங்கிருந்து சென்றனர். பலத்த காயமடைந்த நிதேஷ் மருத்துவமனைக்குக் கொண்டு செல்லப்பட்டார். அங்கு அவரை பரிசோதித்த டாக்டர்கள் வரும் வழியிலேயே நிதேஷ் இறந்து விட்டதாக தெரிவித்தனர்.