மத்தியபிரதேச படகு விபத்துக்கு காரணம் இதுதான்...! - சுற்றுலாத்துறை மந்திரி விளக்கம்

மத்திய பிரதேசத்தின் பார்கி அணையில் கடந்த 30-ந்தேதி சுற்றுலா படகு மூழ்கி தமிழகத்தை சேர்ந்தவர்கள் உள்பட 11 பேர் பலியாகி உள்ளனர். மேலும் 2 பேரை தேடும் பணி தீவிரமாக நடந்து வருகிறது.

நாடு முழுவதும் பெரும் அதிர்வலைகளை ஏற்படுத்திய இந்த படகு விபத்துக்கான காரணங்களை மாநில சுற்றுலாத்துறை மந்திரி தர்மேந்திர சிங் லோதி கூறுகையில், 'விபத்துக்குள்ளான படகு 2006-ம் ஆண்டு மாடலை சேர்ந்தது. அது மூழ்காத வகையில் தயாரிக்கப்பட்டது. எனவே மூழ்குவதற்கான சாத்தியம் மிகக்குறைவு. ஆனால் சம்பவம் நடந்த நாளில் ஏற்பட்ட சக்திவாய்ந்த புயலின் காரணமாக அலைகள் உயரமாக எழுந்ததால் இந்த துயரச் சம்பவம் நிகழ்ந்தது' என தெரிவித்தார்.