இந்தியா-நியூசிலாந்து இடையே இன்று வர்த்தக ஒப்பந்தம் கையெழுத்து

இந்திய ஆயுஷ் மருத்துவர்கள், யோகா பயிற்சியாளர்கள், இந்திய சமையல் கலைஞர்கள், இசை ஆசிரியர்கள் மற்றும் தகவல் தொழில்நுட்பம், என்ஜினீயரிங், சுகாதாரம், கல்வி, கட்டுமானம் உள்ளிட்ட துறைகளைச் சேர்ந்தவர்களுக்கு இந்த விசா சலுகை கிடைக்கும்.

மேலும், ஒப்பந்தத்தின்கீழ், கிவி பழம், ஆப்பிள், தேன் ஆகியவை தொடர்பான வேளாண் தொழில்நுட்ப செயல் திட்டத்தை நியூசிலாந்து அமைக்கும்.

மருந்து பொருட்கள், மருத்துவ சாதனங்கள் ஆகியவற்றை நியூசிலாந்துக்கு இந்தியா ஏற்றுமதி செய்வது அதிகரிக்க இந்த ஒப்பந்தம் உதவும். இந்திய பொருட்கள் வரியின்றி நியூசிலாந்து சந்தையில் நுழைய முடியும்.

ஒப்பந்தத்தில் கையெழுத்திட நியூசிலாந்து வர்த்தகம் மற்றும் முதலீட்டுத்துறை அமைச்சர் டோட் மெக்லே, தனது மனைவியுடன் இந்தியா வந்து விட்டார். நேற்று இருவரும் மத்திய அமைச்சர் பியூஸ் கோயலுடன் தாஜ்மகாலை சுற்றி பார்த்தனர். இரு அமைச்சர்களும் தொழில் அதிபர்களை அழைத்துப் பேசினர்.

பின்னர் நிருபர்களுக்கு பேட்டி அளித்த பியூஸ் கோயல், “இந்தியாவில் இருந்து நியூசிலாந்துக்கு ஏற்றுமதி செய்யப்படும் பொருட்களுக்கு வரி இருக்காது. இது. ஆக்ராவைச் சேர்ந்த தோல் ஏற்றுமதியாளர்கள் உள்ளிட்ட உள்நாட்டு நிறுவனங்களுக்கு நல்ல வாய்ப்பாக அமையும்" என்று கூறினார்.