40 லட்சம் லட்சாதிபதி பெண்களை உருவாக்க திட்டம் - அசாம் தேர்தல் அறிக்கையை வெளியிட்ட பா.ஜ.க.

பிரதம மந்திரி ஆவாஸ் யோஜனா (கிராமம் மற்றும் நகரம்) திட்டத்தின் கீழ் ஏற்கனவே 22 லட்சம் வீடுகள் கட்டப்பட்டுள்ளன. மேலும் 15 லட்சம் வீடுகள் கட்டப்பட்டு ஒவ்வொரு குடும்பத்துக்கும் அடிப்படை வசதிகளுடன் தரமானதாக வழங்கப்படும்.

ஒருங்கிணைந்த உள்கட்டமைப்பு வளர்ச்சிக்காக ‘அசாம் கதி சக்தி மாஸ்டர் பிளான்’ திட்டத்தின் கீழ் ரூ.5 லட்சம் கோடி முதலீடு செய்யப்படும்.

அரிசி, மைசூர் பருப்பு, சர்க்கரை, உப்பு போன்றவை சலுகை விலையில் வழங்கப்படும். மேலும் கடுகு எண்ணெய் ஏழை குடும்பங்களுக்கு இலவசமாக வழங்கப்படும். முதல்-மந்திரியின் மகிளா உதயமிதா அபியான் திட்டம் விரிவுப்படுத்தப்படுகிறது. தற்போதுள்ள பயனாளிகளுக்கு ரூ.25 ஆயிரம் நிதி உதவி வழங்கப்படுகிறது. இதை விரிவுப்படுத்தி 40 லட்சம் லட்சாதிபதி பெண்களை உருவாக்க திட்டமிட்டுள்ளோம்.

மாதாந்திர நேரடி வங்கி உதவி தொகை படிப்படியாக ரூ.3 ஆயிரமாக உயர்த்தப்படும். இந்த திட்டம் மேலும் 15 லட்சம் குடும்பங்களுக்கு விரிவுப்படுத்தப்படும்.

ஏழை மக்களுக்கு எல்.கே.ஜி. முதல் முதுகலை படிப்பு வரை இலவச கல்வி வழங்கப்படும். சட்ட விரோத குடியேற்றத்துக்கு எதிரான ‘புஷ்பேக்’ கொள்கை தொடரும்.

சட்ட விரோதமாக ஆக்கிரமிக்கப்பட்ட அனைத்து நிலங்களும் முழுமையாக மீட்கப்பட்டு அசாமின் உண்மையான குடிமக்களுக்கு நிலம் வழங்கப்படும்.

லவ்ஜிகாத்துக்கு எதிராக கடுமையான நடவடிக்கை எடுக்கப்படும். அசாமில் 6-வது அட்டவணை, பழங்குடியின பகுதிகளை தவிர்த்து பிற இடங்களில் பொது சிவில் சட்டம் கொண்டு வரப்படும்.

இவ்வாறு பா.ஜ.க. தேர்தல் அறிக்கையில் குறிப் பிடப்பட்டுள்ளது.