'மூலிகைகளின் அரசன்' அஸ்வகந்தா இலைகளை பயன்படுத்த மத்திய அரசு தடை - என்ன காரணம்?

தடை ஏன்?

அஸ்வகந்தா இலைகளில் 'விதாபெரின்-ஏ' எனப்படும் வேதிப்பொருள் அதிக அளவில் உள்ளது. இது அனுமதிக்கப்பட்ட அளவைத் தாண்டி உடலுக்குள் சென்றால், கல்லீரல் பாதிப்பை ஏற்படுத்தும் என்று பல ஆய்வுகள் நிரூபித்துள்ளன.

ஐஸ்லாந்து, ஜெர்மனி மற்றும் இந்தியாவில் சமீபத்தில் நடத்தப்பட்ட ஆய்வுகளில், அஸ்வகந்தா சப்ளிமெண்ட்ஸ் பயன்படுத்தியசிலருக்கு கல்லீரல் பாதிப்பு ஏற்பட்டது கண்டறியப்பட்டது.

மறுபுறம், வேர்களுடன் ஒப்பிடும்போது இலைகள் மிகவும் குறைந்த விலையில் கிடைக்கின்றன. இதன் காரணமாக, சில நிறுவனங்கள் லாபத்திற்காக வேர்களுக்குப் பதிலாக மலிவான இலைகளைச் சேர்ப்பதை அரசாங்கம் கண்டறிந்துள்ளது.

ஆயுர்வேத நூல்களும் உட்கொள்வதற்கு வேர்களை மட்டுமே பரிந்துரைக்கின்றன, இலைகளை வெளிப்புறப் பயன்பாட்டிற்கு மட்டுமே பயன்படுத்த வேண்டும் என்று ஆயுஷ் அமைச்சகம் தெரிவித்துள்ளது.

அஸ்வகந்தா பொருட்களை வாங்கும்போது, ​​அதன் உறையில் 'அஸ்வகந்தா வேர் சாறு' என்று குறிப்பிடப்பட்டுள்ளதா என்பதை நுகர்வோர் சரிபார்க்க வேண்டும், 'அஸ்வகந்தா சாறு' என்று மட்டும் குறிப்பிடப்பட்டிருந்தால் அதில் இலைகள் பயன்படுத்தப்பட்டிருக்க வாய்ப்புகள் அதிகம்