சபரிமலை ஐயப்பன் கோவிலில் மண்டல பூஜை சீசனில் 32.50 லட்சம் பக்தர்கள் சாமி தரிசனம்

இதனால், மண்டல பூஜையை முன்னிட்டு ஐயப்பனுக்கு நேற்று முன்தினம் மாலை தங்க அங்கி அணிவிக்கப்பட்டது. அதே அலங்காரத்தில் நேற்று பக்தர்களுக்கு ஐயப்பன் காட்சியளித்தார். கூட்ட நெரிசல் ஏற்படுவதை தவிர்க்கும் விதமாக நேற்று ஆன்லைன் முன்பதிவு முறையில் 60 ஆயிரம் பக்தர்களும், உடனடி முன்பதிவு முறையில் 5 ஆயிரம் பக்தர்களும் அனுமதிக்கப்பட்டனர்.

மண்டல பூஜை முடிந்து நேற்று இரவு 11 மணிக்கு கோவில் நடை சாத்தப்பட்டது. கடந்த 41 நாட்கள் நடந்துவந்த மண்டல பூஜை சீசன் காலத்தில் சபரிமலைக்கு மொத்தம் 32 லட்சத்து 49 ஆயிரத்து 756 பக்தர்கள் வந்து சாமி தரிசனம் செய்துள்ளனர். கடந்த ஆண்டு இதே சீசன் காலத்தில் 28 லட்சத்து 42 ஆயிரம் பக்தர்கள் சபரி மலைக்கு வந்துள்ளனர். கடந்த ஆண்டை விட இந்த ஆண்டு 4.07லட்சம் பக்தர் கள் அதிகமாக வந்திருக்கிறார்கள். அதேபோல் கடந்த ஆண்டை விட இந்த ஆண்டு ரூ.28 கோடி வருமானம் அதிகமாக கிடைத்துள்ளதாக தற்காலிக புள்ளிவிவரம் தெரிவிக்கிறது.