ஆங்சான் சூகிக்கு நினைவு பரிசு வழங்கி ஆச்சரியப்படுத்திய பிரதமர் மோடி

ஆங்சான் சூகியின் தாயார் பர்மாவுக்கான(இன்றைய மியான்மர்) இந்திய தூதரக அதிகாரியாக 1960-ம் ஆண்டு நியமிக்கப்பட்டார். இதனால் ஆங்சான் சூகி தனது சிறுவயதில் பல ஆண்டுகள் இந்தியாவில் வசிக்க நேர்ந்தது.

டெல்லி ஜேசுஸ் அண்ட் மேரி கான்வென்டில் பள்ளி படிப்பை படித்த அவர் 1964-ல் லேடி ஸ்ரீராம் கல்லூரியில் படித்து பட்டம் பெற்றார். 1986-ம் ஆண்டு இமாசலபிரதேச மாநிலம் சிம்லா நகரில் உள்ள இந்திய சிறப்பு கல்வி நிறுவனத்தில் பயின்றபோது(ஐ.ஐ.ஏ.எஸ்.) ‘காலனி ஆதிக்கத்தில் பர்மீஸ் மற்றும் இந்திய அறிவுசார் பாரம்பரியத்தின் வளர்ச்சி, மேம்பாடு- ஓர் ஒப்பீடு‘ என்ற தலைப்பிலான ஆய்வு கட்டுரை ஒன்றையும் சமர்ப்பித்து இருந்தார்.