காங்கிரசுடன் கூட்டணி வைத்ததால்தான் சமாஜ்வாடி கட்சி தோற்றது: முலாயம் சிங் சொல்கிறார்

உத்தரபிரதேச சட்டசபை தேர்தலில் காங்கிரசுடன் கூட்டணி வைத்ததால்தான் சமாஜ்வாடி கட்சி தோல்வி அடைந்ததாக முலாயம் சிங் கூறினார்.

உத்தரபிரதேசத்தில் முதல்-மந்திரியாக இருந்த அகிலேஷ் யாதவுக்கும், சமாஜ்வாடி கட்சியின் தலைவரான அவரது தந்தை முலாயம் சிங்குக்குக்கும் இடையே ஏற்பட்ட கருத்துவேறுபாடு பின்னர் மோதலாக வெடித்தது. இதைத்தொடர்ந்து, அகிலேஷ் யாதவ் கட்சியின் தலைமை பதவியை கைப்பற்றி, சமீபத்தில் நடைபெற்ற சட்டசபை தேர்தலில் காங்கிரசுடன் கூட்டணி அமைத்து போட்டியிட்டார். ஆனால் சமாஜ்வாடி 47 தொகுதிகளை மட்டுமே (மொத்த தொகுதிகள் 403) கைப்பற்றி பெரும் தோல்வியை சந்தித்தது.

அகிலேஷ் யாதவ் தனது பேச்சை கேட்காமல் நடந்து கொண்டு, தன்னை அவமதித்ததால்தான் தேர்தலில் சமாஜ்வாடி படுதோல்வியை சந்திக்க நேரிட்டதாக முலாயம் சிங் ஏற்கனவே கூறி இருந்தார்.