கால்நடைகளை விற்க பிறப்பிக்கப்பட்ட தடை பட்டியலில் இருந்து எருமை மாடுகளுக்கு விலக்கு? மத்திய அரசு பரிசீலனை

அந்த அறிவிக்கையில் இடம் பெற்றிருந்த முக்கிய அம்சங்கள்:-

* இளம் கால்நடைகளை விற்பனை சந்தைக்கு கொண்டு வரக்கூடாது.

* கால்நடை சந்தைக்கு அழைத்து வரப்படும் கால்நடைகளை இறைச்சிக்காக விற்க வில்லை என்று எழுத்து வடிவில் ஒப்புதல் அளித்த பிறகுதான் அவற்றை விற்பனை செய்ய வேண்டும்.

* கால்நடைகளை விற்பனை செய்கிறபோது, அவற்றை விற்பவர் தன்னை விவசாயி என்று நிரூபிக்கும் வகையில் ஆவணங்களை வைத்திருப்பவர்களிடம் மட்டுமே விற்க முடியும்.’

* காளைகள், பசுமாடுகள், எருமை மாடுகள், கன்றுடன் கூடிய பசுமாடு, கன்று, ஒட்டகம் ஆகியவை இந்த தடையில் வருகிறது.

* மாநில கால்நடைகள் பாதுகாப்பு சட்டத்தின்படி அனுமதி பெறாமல், கால்நடைகளை விற்பனை செய்கிறவர், அடுத்த மாநிலத்தினருக்கு விற்பனை செய்யக்கூடாது.

இப்படி பல்வேறு அம்சங்கள் இடம் பெற்றிருந்தன.

இந்த புதிய விதிகளை அமல்படுத்துவதற்கு சென்னை ஐகோர்ட்டு தடை விதித்தது. தொடர்ந்து சுப்ரீம் கோர்ட்டு, நாடு முழுவதும் தடை விதித்தது.

இந்த நிலையில் கால்நடை விற்பனையில் தடை விதித்து வெளியிடப்பட்ட சுற்றுச்சூழல் மற்றும் வனத்துறையின் அறிவிக்கை திரும்ப பெறப்பட்டு விட்டதாகவும், அவற்றில் திருத்தங்கள் கொண்டு வருவது தொடர்பாக மத்திய சட்ட அமைச்சகத்தின் கருத்தை கேட்டிருப்பதாகவும் பல்வேறு ஊடகங்களில் நேற்று தகவல்கள் வெளியாகின.

ஆனால் இறைச்சிக்காக கால்நடைகளை விற்க விதிக்கப்பட்டிருந்த தடை பட்டியலில் இருந்து எருமை மாடுகளை விலக்கிக்கொள்வது உள்ளிட்ட பல்வேறு மாற்றங்களை கொண்டு வருவது குறித்து சம்மந்தப்பட்ட அனைத்து தரப்பினருடனும் மத்திய அரசு விவாதித்து, பரிசீலித்து வருவதாக தகவல்கள் கூறுகின்றன.

விரைவில் இது குறித்த முடிவை மத்திய அரசு எடுத்து, அறிவிக்கும் என்ற எதிர்பார்ப்பு ஏற்பட்டுள்ளது.