சைதாப்பேட்டையில் ஒரு லட்சம் மரக்கன்றுகள் நட்டு பராமரிக்கும் திட்டம்: மு.க.ஸ்டாலின் நாளை தொடங்கி வைக்கிறார்

மரம் வளர்ப்பில் மக்களை ஆர்வத்தோடு இணைக்கும் வகையிலும், சைதைப் பகுதியில் வசிக்கும் சிறியவர் முதல் பெரியவர்வரை அனைவரையும் இத்திட்டத்தில் பங்கேற்கச் செய்திடும் வகையிலும், அவரவர் பிறந்தநாளில், அவரவர் பெயரில் அவரவர் தம் வீட்டருகில் நன்கு வளர்ந்த மரக்கன்று, பாதுகாப்பு வளையத்துடன் அமைத்து கொடுக்கப்படும். இத்திட்டத்தின் கீழ் வேப்பமரம், புங்கை, பூவரசம், அத்தி, நாவல் போன்ற பல்வேறு வகையான மர வகைகள் நடப்படும். மரக்கன்றினை ஒரு வருடகாலம் நல்ல முறையில் தொடர்ந்து பராமரிப்பவர்களுக்கு “ பசுமை பாதுகாவலர்” விருதுகள் வழங்கப்படும்.

ஒரு வருட காலத்திற்குள் ஒரு லட்சம் மரக்கன்றுகளை நட இலக்கு நிர்ணயிக்கப்பட்டுள்ளது. இத்திட்டத்தில் இணைய விரும்புபவர்கள் சைதைத்தொகுதி சட்ட மன்ற உறுப்பினர் அலுவல கத்தை தொடர்பு கொண் டால் அவர்களிடம் உறுதி மொழி படிவங்கள் பெற்றுக் கொண்டு அவர்கள் வசிக்கும் பகுதியில் மரக்கன்று நட்டுத் தரப்படும்.