தி.மு.க.வில் சாதாரண தொண்டர் முதல்-அமைச்சராக முடியுமா? - மு.க.ஸ்டாலினுக்கு ஓ.பன்னீர்செல்வம் சவால்

2009-ம் ஆண்டு இலங்கையில் இறுதி யுத்தம் வரப்போகிறது என்பது தி.மு.க.வுக்கு நன்கு தெரியும். அப்போது ஆட்சியில் இருந்த அவர்கள் ஒரு எச்சரிக்கை விடுத்து இருந்தால் கூட போர் நடந்து இருக்காது. போர் நடந்து கொண்டு இருந்தபோது கருணாநிதி சென்னையில் 3 மணி நேரம் உண்ணாவிரதம் இருந்து விட்டு, போர் நிறுத்தப்பட்டுவிட்டதாக கூறி உண்ணாவிரதத்தை முடித்துக் கொண்டார். 

இந்த தகவலை தொடர்ந்து போர் நிறுத்தப்பட்டு விட்டதாக நம்பி பதுங்கு குழிகளில் இருந்து மக்கள் வெளியே வந்தனர். அப்போது குண்டுகள் வீசப்பட்டதில் ஒரே இடத்தில் 40 ஆயிரம் குழந்தைகள் செத்து மடிந்தார்கள். அதற்கு கருணாநிதியே காரணம்.

காங்கிரஸ் அரசுதான் இலங்கை அரசுக்கு குண்டுகள் கொடுத்து தமிழர்களை கொன்று குவித்ததாக வைகோ கூறினார். உயிரோடு இருக்கும் வரை மு.க.ஸ்டாலின் முதல்வராக விடமாட்டேன் என்று சொன்ன வைகோ தற்போது மு.க.ஸ்டாலினை முதல்வராக்காமல் தூங்க மாட்டேன் என்கிறார். இனிமேல் அவருக்கு வாழ்நாளில் தூக்கமே வராது.

தி.மு.க., காங்கிரஸ் உள்ளிட்ட கட்சிகள் சந்தர்ப்பவாத கூட்டணியாக சேர்ந்துள்ளன. அது, கொள்கை ரீதியான கூட்டணி இல்லை.

இவ்வாறு அவர் பேசினார். #MKStalin #OPS #ADMK