தேர்தல் பிரமாண பத்திரத்தில் சசிகலா, தினகரன் பெயர்களை சேர்த்தது ஏன்?: அமைச்சர் உதயகுமார் பதில்

அம்மா பேரவையில் 8 இணை துணை செயலாளர்களை நியமித்துள்ளார். அம்மா இருக்கும்போது ஒரு வரைத்தான் நியமிப்பார். அதன் பிறகு நாங்கள் பரிந்துரை செய்து பெயர்களை கொடுப்போம். அதை பரிசீலித்து முடிவெடுத்து தகுதியான வரை அம்மா நியமிப்பார்.

ஆனால் இப்போது தன்னிச்சையாக பதவிகளை அறிவிப்பது கட்சியில் குழப்பத்தை தான் ஏற்படுத்தும் என்பதை சுட்டிக் காட்டுகிறோம். அதனால் தான் கொடுத்த பதவிகளை ஒவ்வொருவராக ஏற்க மறுத்து வருகின்றனர்.

புரட்சித்தலைவி அம்மா உடல்நலம் சரியில்லாத சூழ்நிலையிலும் மாவட்டம் - மாவட்டமாக சென்று பிரசாரம் செய்து இந்த ஆட்சியையும், கட்சியையும் விட்டு சென்றுள்ளார். இதில் என்ன குறை ஏற்பட்டதாக கருதுகிறார்கள். புதிய நிர்வாகிகளை அவசரப்பட்டு நியமிக்க வேண்டிய அவசியம் என்ன என்பதுதான் எங்கள் கேள்வி.

இவ்வாறு அவர் கூறினார்.