செய்திகள்

ஜெயலலிதாவின் உடல்நிலை குறித்து டாக்டர்களிடம் கேட்டறிந்தேன்: அமைச்சர் ஓ.எஸ்.மணியன்

சென்னை அப்பல்லோ ஆஸ்பத்திரியில் சிகிச்சை பெற்ற போது ஜெயலலிதாவின் உடல்நிலை குறித்து டாக்டர்களிடம் கேட்டறிந்தேன் என அமைச்சர் ஓ.எஸ்.மணியன் கூறினார்.

மாலை மலர்

Published:27th Sep, 2017 at 11:47 AM

கைத்தறி மற்றும் துணி நூல் துறை அமைச்சர் ஓ.எஸ். மணியன் கோவையில் இன்று நிருபர்களுக்கு பேட்டியளித்தார். அப்போது அவர் கூறியதாவது-

கேள்வி- முன்னாள் முதல்-அமைச்சர் ஜெயலலிதா ஆஸ்பத்திரியில் சிகிச்சை பெற்ற போது நேரில் சந்தித்தது தொடர்பாக அமைச்சர்கள் மாறுப்பட்ட கருத்துக்களை கூறுகிறார்களே? உங்கள் கருத்து என்ன?

பதில்- யார் யார் கருத்து கூறுகிறார்களோ, அவர்களிடம் தான் கேட்க வேண்டும்.

கேள்வி- நீங்கள் ஆஸ்பத்திரியில் ஜெயலலிதாவை பார்த்தீர்களா?

பதில்- முன்னாள் முதல்-அமைச்சர் ஜெயலலிதா ஆஸ்பத்திரியில் அனுமதிக்கப்பட்டு இருந்த நேரத்தில் அவருக்கு சிகிச்சை அளித்த ஆஸ்பத்திரி தலைவர், மற்றும் அங்கிருந்த சுகாதாரத்துறை அமைச்சர், சுகாதாரத்துறை செயலாளர் மற்றும் கூடவே இருந்து சிகிச்சை அளித்த குறிப்பிட்ட டாக்டர்களிடம் முன்னாள் முதல்-அமைச்சர் ஜெயலலிதாவின் உடல்நிலையை பற்றி கேட்டறிந்தேன்.

கேள்வி- டி.டி.வி. தினகரன் தற்போது முதல்-அமைச்சர் மற்றும் அமைச்சர்களை இம்சை அரசன், புலிகேசிகள் என பேசிவருகிறாரே? அதுப்பற்றி உங்கள் கருத்து என்ன?