ஜெய்ஷ்-இ-முகமது பயங்கரவாத அமைப்பின் தலைவர் மசூத் அசார் மிகவும் மோசமான நபர்: அமெரிக்கா கருத்து

இந்த நிலையில், அமெரிக்க வெளியுறவு துறையின் செய்தி தொடர்பாளர் ஹெதர் நவார்ட் வாஷிங்டன் நகரில் பத்திரிகையாளர்களை சந்தித்து பேசினார். அப்போது அவரிடம் மசூத் அசாரை சர்வதேச பயங்கரவாதியாக அறிவிக்கும் விவகாரத்தில் சீனாவின் நிலைப்பாடு குறித்து பத்திரிகையாளர்கள் கேள்வி எழுப்பினர். அதற்கு அவர் பதில் அளித்து பேசுகையில், “மசூத் அசார் மிகவும் மோசமான நபர் என நாங்கள் நிச்சயமாக கருதுகிறோம். அவரை சர்வதேச பயங்கரவாதிகள் பட்டியலில் சேர்க்க வேண்டும் என நாங்கள் விரும்புகிறோம்” என்றார்.

தொடர்ந்து பேசிய அவர், அமெரிக்க சட்டத்தின் கீழ், மசூத் அசாரின் இயக்கத்தை சர்வதேச பயங்கரவாத இயக்கங்களின் பட்டியலில் சேர்ப்பது குறித்தும் ஆலோசித்து வருவதாக கூறினார். மேலும், மசூத் அசாரை சர்வதேச பயங்கரவாதியாக அறிவிக்கும் தீர்மானத்துக்கு எதிராக வாக்களிப்பது ஏன் என்பதை சீனா தெளிவுபடுத்த வேண்டும் என அவர் கேட்டுக்கொண்டார்.