தொப்பூர் அருகே கிரானைட் பாரம் ஏற்றி வந்த லாரி சென்டர் மீடியனில் மோதி டிரைவர் பலி

இதில் டிரைவர் ராஜா உடல் நசுங்கி சம்பவ இடத்திலேயே உயிரிழந்தார். அவருடன் இருந்த கிளீனர் மாதவன் முன்னதாக பிரேக் பிடிக்காததை அறிந்ததும் லாரியில் இருந்து குதித்து விட்டார். இதில் அவர் அதிர்ஷ்டவசமாக உயிர் தப்பினார்.

கண் இமைக்கும் நேரத்திற்குள் நடந்த இந்த விபத்து சம்பவம் திரைப்படங்களில் வரும் விபத்து காட்சிகள் போல் இருந்தது. ஒன்றுடன் ஒன்றாக அடுத்தடுத்து லாரிகள் மோதிய சம்பவத்தாலும், லாரியில் இருந்த கிரானைட் கற்கள் சாலையில் சரிந்து கிடந்ததாலும் தர்மபுரி-சேலம் சாலையில் வாகனங்கள் செல்ல முடி யாத நிலை ஏற்பட்டது.

இந்த விபத்து சம்பவம் குறித்து தகவல் அறிந்ததும் நெடுஞ்சாலை ரோந்து போலீசார் சம்பவ இடத்திற்கு விரைந்து வந்தனர். அதுபோல் தொப்பூர் போலீசாரும் அங்கு விரைந்து வந்தனர்.

போக்குவரத்தை சரி செய்ய வாகனங்கள் அனைத்தும் ஒரு வழிபாதையாக திருப்பி விடப்பட்டது.

இதையடுத்து கிரானைட் கற்களை அகற்றி லாரியின் இடிபாடுகளில் இருந்து டிரைவர் உடலை மீட்டு பிரேத பரிசோதனைக்காக தர்மபுரி அரசு மருத்துவமனைக்கு அனுப்பி வைத்தனர்.

ஜே.சி.பி.வாகனம் வர வழைக்கப்பட்டு லாரியையும், டாரஸ் லாரியும் போலீசார் அப்புறப்படுத்தினார்கள். இந்த விபத்தில் சுமார் 1 மணி நேரம் போக்குவரத்து பாதிக்கப்பட்டது.