மது ஒழிப்பு பிரசாரத்தில் தி.மு.க. இரட்டை வேடம் போடுகிறது: ராமதாஸ் குற்றச்சாட்டு

அதிக அளவில் மது அருந்தும் மாநிலமாகவும், விபத்துகளால் அதிக உயிரிழப்பு ஏற்படும் மாநிலமாகவும் தமிழகம் உள்ளது. மேலும் இளம் விதவைகள் அதிக அளவில் உள்ள மாநிலத்திலும் தமிழகமே முதலிடம்.

நாட்டில் மாநில நெடுஞ்சாலைகள் தேசிய நெடுஞ்சாலைகளாகவும், ஒன்றிய சாலைகள் நெடுஞ்சாலைகளாகவும் தரம் உயர வேண்டும். ஆனால் தமிழக அரசு தேசிய நெடுஞ்சாலையை மாநகராட்சி சாலைகளாகவும், மாநில நெடுஞ்சாலையை நகராட்சி சாலைகளாகவும் தரம் குறைக்க முயற்சித்தது. பா.ம.க. சார்பில் இதற்கும் நீதிமன்றத்தில் வழக்கு தொடர்ந்து தடை பெறப்பட்டுள்ளது.

அதேபோல் வறட்சி மாநிலம் எனக் கூறி, ரூ. 40 ஆயிரம் கோடி நிவாரணம் கேட்ட தமிழக அரசு, விவசாயிகள் யாரும் தற்கொலையால் சாகவில்லை என உச்சநீதிமன்றத்தில் அறிக்கை தாக்கல் செய்துள்ளது. இனியும் இதுபோல் ஏமாற்றும் கட்சியினரை மக்கள் நம்பவேண்டாம்.

மேலும் இன்று நடைபெற உள்ள சிறப்பு கிராமசபா கூட்டங்களில் மதுக்கடைகள் திறப்பதற்கு எதிரான தீர்மானத்தை நிறைவேற்ற வேண்டும்.
இவ்வாறு அவர் பேசினார்.