குமரி மாவட்ட கிறிஸ்தவ ஆலயங்களில் புத்தாண்டு சிறப்பு பிரார்த்தனை- நாளை இரவு நடக்கிறது

கோட்டார் தூய சவேரியார் ஆலயத்தில் நாளை இரவு 11.30 மணிக்கு கோட்டார் ஆயர் நசரேன் சூசை சிறப்பு திருப்பலி நடத்துகிறார். திருத்துவபுரம் மூவொரு இறைவன் ஆலயத்தில் குழித்துறை மறைமாவட்ட ஆயர் ஜெரோம்தாஸ் வறு வேலும், மார்த்தாண்டம் கிறிஸ்து அரசர் ஆலயத்தில் மார்த்தாண்டம் ஆயர் வின்சென்ட் மார் பவுலோசும் புத்தாண்டு திருப்பலியை நிறைவேற்றுகிறார்கள். தக்கலையில் நடைபெறும் திருப்பலியில் தக்கலை ஆயர் ஜார்ஜ் மார் ராஜேந்திரன் திருப்பலியை நடத்துகிறார்.

கன்னியாகுமரி புனித அலங்கார உபகார மாதா திருத்தலம், நாகர்கோவில் அசிசி ஆலயம், குளச்சல் புனித காணிக்கை மாதா ஆலயம், புன்னைநல்லூர் லூர்து அன்னை ஆலயம், களியக்காவிளை அந்தோணியார் ஆலயம், மார்த்தாண்டம் சவேரியார் ஆலயம், தக்கலை எலியாசியார் ஆலயம் ஆகியவற்றிலும் 2020 புத்தாண்டை வரவேற்று பிரார்த்தனை நடைபெற உள்ளது.