கொடைக்கானல்:
கொடைக்கானல் அருகேயுள்ள பள்ளங்கி, அட்டுவம்பட்டி, வாழைக்காட்டு ஓடை போன்ற பகுதிகளில் அனுமதியின்றி மதுபானம் விற்பனை செய்யப்படுவதாக போலீசாருக்கு ரகசிய தகவல் கிடைத்தது.
இதையொட்டி போலீஸ் சப்-இன்ஸ்பெக்டர் ரமேஷ்ராஜா தலைமையில் போலீசார் தீவிர சோதனை செய்தனர். அப்போது மாட்டுப்பட்டி பகுதியில் மது விற்பனை செய்த மணிகண்டன் (வயது 28), குருசாமி (45), வாழைக்காட்டு ஓடையில் ஆரோக்கியதாஸ் ராஜா (40) ஆகிய 3 பேரையும் கைது செய்தனர்.
மேலும் அவர்களிடம் இருந்த 30 மதுபாட்டில்களையும் பறிமுதல் செய்து விசாரணை நடத்தி வருகின்றனர். #tamilnews