கர்நாடக மந்திரி டி.கே.சிவக்குமாருக்கு வருமான வரித்துறை சம்மன்

எனவே அவர் வருமான வரித்துறை அதிகாரிகள் முன்னிலையில் ஆஜர் ஆவாரா? என்ற கேள்வி எழுந்தது. இதுகுறித்து மந்திரி டி.கே.சிவக்குமாரிடம் கேட்டபோது, “வருமான வரித்துறை சோதனையை கண்டு நான் பயப்படவில்லை. வருமான வரித்துறையிடம் இருந்து சம்மன் வந்துள்ளது. விசாரணைக்கு நான் கண்டிப்பாக ஆஜராகி, அதிகாரிகள் கேட்கும் கேள்விகளுக்கு சட்டப்படி பதிலளிக்க தயாராக இருக்கிறேன். நான் எந்த தவறும் செய்யவில்லை” என்று கூறினார்.

இதன் மூலம் அவர் இன்று விசாரணைக்காக வருமானவரித்துறை அதிகாரிகள் முன்னிலையில் ஆஜராவார் என்று தெரிகிறது.

இந்த சொத்துகள் தொடர்பான விசாரணையை அமலாக்கத்துறையிடம் வருமான வரித்துறை வழங்கும் என்று சொல்லப்படுகிறது. சி.பி.ஐ. விசாரணை நடத்தவும் வாய்ப்பு உள்ளதாக கூறப்படுகிறது. அவ்வாறு வருமான வரித்துறையிடம் இருந்து விசாரணை கைமாறும் பட்சத்தில் டி.கே.சிவக்குமார் கைது செய்யப்படலாம் என்று தகவல்கள் வெளியாகியுள்ளன.

இந்த விவகாரம் கர்நாடக அரசியலிலும், காங்கிரஸ் கட்சியிலும் பெரும் பரபரப்பை ஏற்படுத்தியுள்ளது.

இதற்கிடையே மந்திரி டி.கே.சிவக்குமாரை நேற்று மாநில காங்கிரஸ் தலைவர் பரமேஸ்வர், மகளிர் காங்கிரஸ் தலைவி லட்சுமி ஹெப்பால்கர், மந்திரிகள் எம்.பி.பட்டீல், கே.ஜே.ஜார்ஜ், ரோஷன் பெய்க், மேயர் பத்மாவதி மற்றும் காங்கிரஸ் முக்கிய நிர்வாகிகள் நேரில் சந்தித்து அவருக்கு தங்கள் ஆதரவை தெரிவித்தனர். இந்த சந்திப்பு பெங்களூரு சதாசிவநகரில் உள்ள டி.கே.சிவக்குமாரின் வீட்டில் நடந்தது.