தனியார் நிறுவனங்களில் கன்னடர்களுக்கு இடஒதுக்கீடு கோரி கர்நாடகத்தில் நாளை ‘பந்த்’

இந்த முழு அடைப்புக்கு 700க்கும் மேற்பட்ட சங்கங்கள் ஆதரவு வழங்கியுள்ளன. நாங்கள் அமைதி வழியில் இந்த போராட்டத்தை நடத்துகிறோம். நாளை பெங்களூருவில், டவுன் ஹாலில் இருந்து சுதந்திர பூங்கா வரை ஊர்வலம் நடக்கிறது. இதில் 30 ஆயிரம் பேர் கலந்து கொள்வார்கள் என்று எதிர்பார்க்கிறோம். 40க்கும் மேற்பட்ட மடாதிபதிகள் பங்கேற்க உள்ளனர்.

ஒருவேளை மாநில அரசு முன்வந்து, சரோஜினி மகிஷி அறிக்கையை அமல்படுத்துவதாக உறுதியளித்தால் நாங்கள் முழு அடைப்பு போராட்டத்தை வாபஸ் பெறுவோம். பொதுமக்களுக்கு எந்த தொந்தரவும் கொடுக்க மாட்டோம். கன்னட திரைத்துறையை சேர்ந்த பல்வேறு நடிகர், நடிகைகள் ஆதரவு வழங்குவதாக உறுதியளித்துள்ளனர்.

இவ்வாறு எச்.பி.நாகேஷ் கூறினார்.