கமல் சிறுபான்மையினருக்கு ஆதரவாக பேசுகிறார்: எஸ்.வி.சேகர்

கேரளாவுடன் ஒப்பிட்டு பேசும் அளவுக்கு தமிழகம் தாழ்ந்து விடவில்லை. கமலுக்கு கேரளாதான் பிடிக்கும் என்றால் அவர் கேரளாவில் போய் வாழட்டும்.

சிலருக்கு சிறு வயதில் இருந்தே சில வி‌ஷயங்கள் பிடிபடாமல் இருக்கலாம். ஆனால் அதற்காக அவை தவறாகாது. இந்து மதம் என்பது வாழ்க்கை முறை. காலையில் எழு. பல் துலக்கு. சாமியை வணங்கு, பெரியோருக்கு மரியாதை செலுத்து, பெரியவர்களுக்கு வணக்கம் சொல்வது ஆகியவற்றை கற்பிப்பது இந்து மதம்.

ஒழுக்கமான வாழ்க்கை, குடும்பம், வீடு என்பது நமது நடைமுறை. ஆனால் அந்த முறையே வேண்டாம். எப்படி வேண்டுமானாலும் இருப்பேன் என்பவர்களுக்கு இந்து மதம் பிடிக்காது. லட்சக்கணக்கான ஆண்டுகளாக இருப்பது இந்து மதம். அதில் இருந்துதான் மற்ற மதங்கள் தோன்றின. மின்சார பெட்டியில் கை வைப்பது போல கமல் தேவையில்லாத பிரச்சினைகளில் ஈடுபட்டு வருகிறார்.

இந்து மதத்தை எதிர்ப்பது சினிமாவில் வரும் ஸ்டண்ட் அல்ல என்பதை கமல் புரிந்து கொள்ள வேண்டும். சிறுபான்மையினருக்கு ஆதரவாக பேசுங்கள். அதில் தவறில்லை. ஆனால் பெரும்பான்மையினருக்கு எதிராக பேசுவது காங்கிரஸ் காலத்திலேயே முடிந்து விட்டது. அதை இந்த அரசில் மேற்கொள்வது தவறான பின்விளைவுகளையே ஏற்படுத்தும்.

அகிம்சையை கையாளும் மதமே இந்து மதம். அவர் புரிகிற மாதிரி பேசும் போது தான் குழப்பம் உண்டாகிறது. அவர் புரியாமல் பேசும் வரை பிரச்சினை எதுவும் இல்லை.

சினிமாவில் இருந்து அரசியலுக்கு வர வேண்டும் என்றால் வந்து விட வேண்டும். சினிமாவில் இருந்து அரசியலுக்குள் நுழைந்து கட்சி ஆரம்பித்து முதல்வர் ஆவது சினிமாவில் மட்டும்தான் நடக்கும்.

முகத்துவாரம் சென்று நேரில் பார்வையிட்ட அவர் வேலை நடக்காவிட்டால் உண்ணாவிரதம் இருப்பேன் என்று அறிவித்திருக்க வேண்டியதுதானே. அவர் ஏன் அதை செய்யவில்லை.