கர்நாடகாவில் காலா படத்தை தடை செய்யக்கூடாது- திருமாவளவன்

நடிகர் ரஜினிகாந்த் நடித்துள்ள ‘காலா’ படத்தை கர்நாடகாவில் திரையிடக்கூடாது என அங்குள்ள சில இனவாத அமைப்புகள் எதிர்ப்பு தெரிவித்துள்ளன. ரஜினிகாந்த் காவிரி மேலாண்மை வாரியம் தொடர்பாக தமிழக மக்களின் கருத்துக்களையே பிரதிபலித்தார். அது கர்நாடகாவிற்கு எதிரானது என்று அவரது திரைப்படத்திற்கு கன்னடர்கள் தற்போது எதிர்ப்பு தெரிவிக்கிறார்கள். கன்னடர்களின் இந்த போக்கு அதிர்ச்சி அளிக்கிறது.

இனவாத அடிப்படையில் மட்டுமே ரஜினி படத்திற்கு எதிர்ப்பு தெரிவிப்பதால் திரை துறையினர் பாதிக்கப்படுவார்கள். எனவே கர்நாடக முதலமைச்சர் குமாரசாமி இதுபோன்ற இனவாத அமைப்புகளின் நடவடிக்கைகளை கட்டுப்படுத்த வேண்டும். அது திரைப்பட எதிர்ப்பாக மட்டும் இல்லாமல், தமிழர் விரோத போக்காகவும் வன்முறையாகவும் மாறும். எனவே கர்நாடக அரசு காலா திரைப்படம் வெளியாவதற்கும் அந்த திரைப்படத்தை பார்க்க விரும்பும் ரசிகர்களுக்கும் பாதுகாப்பு அளிக்க வேண்டும்.