ஜூனியர் கிரிக்கெட் அணி வீரர்கள் இன்னும் நிறைய சாதிப்பார்கள்: ராகுல் டிராவிட்

‘நமது அணி வீரர்கள் களத்தில் எடுத்த முயற்சிகளை நினைத்து உண்மையிலேயே பெருமைப்படுகிறேன். மறக்க முடியாத இந்த வெற்றி, வீரர்கள் மனதில் நீண்ட நாட்கள் நிலைத்து நிற்கும் என்று நம்புகிறேன். அதே நேரத்தில் இந்த ஒரு நினைவுகளுடன் அவர்கள் (வீரர்கள்) ஓய்ந்து விடமாட்டார்கள். வருங்காலத்தில் இன்னும் நிறைய மறக்க முடியாத நினைவுகளை (வெற்றிகள்) கொண்டு வருவார்கள் என்று உறுதியாக நம்புகிறேன்.

இந்த இளம் அணியை உருவாக்க நிறைய கவனம் செலுத்தினோம். இதில் 7-8 உதவியாளர்கள் பெரும் பங்கு வகித்தனர். அவர்கள், வீரர்களுடன் கடந்த 14 மாதங்கள் ஒருங்கிணைந்து செயல்பட்ட விதம் அற்புதமானது. அந்த பயிற்சி குழுவில் நானும் ஒருவராக இருப்பதில் பெருமிதம் அடைகிறேன். எங்களை பொறுத்தவரை சிறந்த ஆட்டத்தை வெளிப்படுத்த வீரர்களுக்கு எல்லா வகையிலும் ஊக்கமளித்தோம். அவர்கள் களத்தில் அதனை கச்சிதமாக செய்து முடித்தனர்’ என்றார்.