தலைமை பதிவாளர், நிர்வாக பதிவாளர் ஐகோர்ட்டு வளாகம் முழுவதையும் தினமும் ஆய்வு செய்ய வேண்டும்: நீதிபதிகள்

இவ்வாறு அதில் கூறப்பட்டிருந்தது.

இந்த மனு தலைமை நீதிபதி இந்திரா பானர்ஜி, நீதிபதி எம்.சுந்தர் ஆகியோர் விசாரித்தனர். அப்போது, ஐகோர்ட்டு வளாகத்தில் குப்பைகள் அகற்றப்படாமல் கிடப்பது குறித்து புகைப்படங்களை மனுதாரர் தரப்பில் தாக்கல் செய்யப்பட்டன.

இதையடுத்து நீதிபதிகள் பிறப்பித்த உத்தரவில் கூறியிருப்பதாவது:-

இந்த வழக்கில், ஐகோர்ட்டில் உள்ள அனைத்து வக்கீல் சங்கங்கள், குமஸ்தா சங்கங்களை எதிர்மனுதாரர்களாக சேர்க்க வேண்டும். தலைமை நீதிபதியின் தனி செயலாளர், ஐகோர்ட்டு வளாகம் முழுவதையும் ஆய்வு செய்து, குப்பைகள் தேங்கிக் கிடக்கும் இடங்களை புகைப்படம் எடுத்து அறிக்கையை தாக்கல் செய்ய வேண்டும்.

இதற்கிடையில், ஐகோர்ட்டு தலைமை பதிவாளர், நிர்வாகப்பிரிவு பதிவாளர் ஆகியோர் ஐகோர்ட்டு வளாகம் முழுவதையும், தினமும் காலையிலும், மாலையிலும் ஆய்வுகள் செய்து, அனைத்து பகுதிகளும் சுத்தமாக உள்ளது என்பதை உறுதி செய்ய வேண்டும்.

இவ்வாறு நீதிபதிகள் உத்தரவிட்டுள்ளனர்.

இந்த வழக்கு நீதிபதிகள் முன்பு மீண்டும் வருகிற 11-ந்தேதி விசாரணைக்கு வர உள்ளது.