ஜோத்தம்பட்டியில் புதிய தார்சாலை அமைக்கும் பணி-ராதாகிருஷ்ணன் தொடங்கி வைத்தார்

விழாவிற்கு முன்னாள் மாவட்ட கவுன்சிலர் ஆவல்நடராஜன், முன்னாள் ஊராட்சி மன்ற தலைவர்கள் சுரேஷ், ஜோத்தம்பட்டி நாகராஜ் ஆகியோர் முன்னிலை வகித்தனர். விழாவிற்கு தலைமை தாங்கி, தார்சாலை அமைக்கும் பணிக்கான பூமி பூஜையை கால்நடைத்துறை அமைச்சர் உடுமலை ராதாகிருஷ்ணன் தொடங்கி வைத்து பேசினார்.

தமிழ்நாடு கால்நடை பராமரிப்பு சார்பில் ஆடு மற்றும் பசுமாடு வழங்கும் திட்டம் எல்லா மக்களையும் சென்றடையும் வகையில் விரிவு படுத்தப்பட்டு வழங்கப்பட்டு வருகிறது. ஏழை, எளிய மக்கள் அதிகம் உள்ள பேரூராட்சி பகுதியில் உள்ள மக்களுக்கு இந்த திட்டம் செயல்படுத்தப்படும். ஊராட்சிகளில் இரண்டு கட்டங்களாக வழங்கும் விலையில்லா ஆடுகள் திட்டம் வரும் காலங்களில் ஒவ்வொரு ஊராட்சியிலும் ஒரே கட்டமாக வழங்கப்படும்.