தீவிரவாதத்துக்கு நிதியுதவி செய்த வழக்கு: ஜம்மு-காஷ்மீர் எம்.எல்.ஏ. என்ஜினீயர் ரஷீத் என்.ஐ.ஏ. விசாரணைக்கு ஆஜர்

இதற்கிடையே, தீவிரவாதத்துக்கு நிதியுதவி செய்தது தொடர்பாக ஹூரியத் தலைவர் கிலானியின் மருமகன் அல்டாப் அகமது ஷா, ஷாஹித் உல் இஸ்லாம், பரூக் அகமது, முகமது அக்பர் உள்ளிட்ட 10 பேரை தேசிய புலனாய்வு முகமை அதிகாரிகள்  கடந்த ஜூலை 24-ம் தேதி கைது செய்து விசாரணை நடத்தி வருகின்றனர். இதுதொடர்பான வழக்கு டெல்லி கோர்ட்டில் நடந்து வருகிறது.

இந்நிலையில், இந்த வழக்கு தொடர்பாக தேசிய புலனாய்வு முகமை ஜம்மு-காஷ்மீர் சுயேட்சை எம்.எல்.ஏ. ஷேக் அப்துல் ரஷீத் என்ற இன்ஜினீயர் ரஷீத்துக்கு கடந்த 28-ம் தேதி சம்மன் அனுப்பியது. அதில், தீவிரவாதத்துக்கு நிதியுதவி செய்த விவகாரம் தொடர்பான விசாரணைக்கு அக்டோபர் 3-ம் தேதி தேசிய புலனாய்வு முகமை அலுவலகத்தில் நேரில் ஆஜராக வேண்டும் என கூறப்பட்டிருந்தது.