ஆந்திரா வங்கி கொள்ளையில் நகை மதிப்பீட்டாளர் கைது

ஆனால், அதில் அவருக்கு தொடர்ந்து நஷ்டமே ஏற்பட்டுள்ளது.

இதனால், நகைகளை அடமானம் வைக்க வங்கிக்கு வரும் வாடிக்கையாளர்களுடன் நெருக்கத்தை ஏற்படுத்திக் கொண்டு, அவர்களிடம் நம்பிக்கையை பெற்றுள்ளார்.

பின்னர், அவர்கள் பெயரில் அதே வங்கியில் போலி நகைகளை அடமானம் வைத்து, ஒரு கோடியே 30 லட்சம் ரூபாய் வரை கடன் பெற்றுள்ளார். இந்த விவகாரம் வாடிக்கையாளர்களுக்கும், வங்கி நிர்வாகத்துக்கும் தெரியாமல் போனது.

இந்த வகையில் கிடைத்த பணம் முழுவதையும் மீண்டும் பங்குசந்தையில் முதலீடு செய்துள்ளார். ஆனால் அதிலும் இழப்பு ஏற்பட்டுள்ளது. இந்நிலையில், கடந்த பிப்ரவரி மாதம் விடுப்பில் சென்ற வங்கி மேலாளர், வங்கியின் லாக்கர் சாவியை ரமேஷிடம் கொடுத்து, அதை பொறுப்பு மேலாளரிடம் கொடுக்குமாறு கூறியுள்ளார்.

இதை சற்றும் எதிர்பாராத ரமேஷ் இந்த சந்தர்ப்பத்தை தனது கஷ்டத்துக்கு கிடைத்த வாய்ப்பாக கருதினார். தொடர்ந்து 2 நாட்களாக பணிக்கு செல்லாமல் லீவு போட்டுவிட்டு வேலூருக்கு சென்று வங்கியின் ஒரிஜினல் லாக்கர் சாவிகளுக்கு மாற்றாக போலி சாவிகளை தயார் செய்தார்.

இந்நிலையில் 3 மாதங்களுக்கு முன்னர் வங்கி காசாளர் லாக்கரின் மாஸ்டர் சாவியை தனது டேபிள் மீது வைத்துவிட்டு சாப்பிட்டுக் கொண்டிருந்தார். அப்போது அந்த சாவியை திருடிய ரமேஷ், அதை அச்சு எடுத்து, அதன் மூலம் போலி மாஸ்டர் சாவி தயார் செய்தார்.

இதையடுத்து வங்கியின் மேலாளர் மற்றும் காசாளர் ஆகியோர் அலுவல் நிமித்தமாக வங்கியின் மெயின் அலுவலகத்துக்கு சென்றிருந்த நேரத்தில், போலி சாவிகள் மூலம் வங்கி லாக்கரை திறந்து அதில் வைக்கப்பட்டிருந்த நகைகள் மற்றும் பணம் ஆகியவற்றை ரமேஷ் கொள்ளையடித்துள்ளார்.

அதன்பிறகு அந்த நகைகளை உருக்குவதற்காக, சித்தூரில் உள்ள மிட்டூர் பகுதியில் கடை ஒன்றை வாடகைக்கு எடுத்து, நகைகளை அங்கு பத்திரப்படுத்தி வைத்தார். மேலும் நகைகளை உருக்க தேவையான எந்திரங்களையும் வாங்கி வந்துள்ளார்

இதைதொடர்ந்து, கொள்ளையடித்த நகைகளை உருக்கி 6 தங்க கட்டிகளாக மாற்றிய ரமேஷ், அவற்றில் 2-யை விற்பனைக்காக கொண்டு வந்தபோது போலீசாரிடம் சிக்கிக்கொண்டார்.