ஜெயலலிதா சொத்துகள் தொடர்பான வழக்கு - தீபா, தீபக் நேரில் ஆஜராக ஐகோர்ட்டு உத்தரவு

வருமான வரித்துறை சார்பில் ஆஜரான வக்கீல், ‘ஜெயலலிதாவின் வருமானவரி பாக்கி ரூ.40 கோடி உள்ளது. அதற்காக அவரது போயஸ் கார்டன் வீடு வருமான வரித்துறையால் ஏற்கனவே முடக்கி வைக்கப்பட்டுள்ளது. ஆட்கள் பற்றாக்குறை காரணமாக போயஸ் கார்டன் வீட்டை அளவிட கால தாமதமாகிறது’ என்றார்.

அப்போது குறுக்கிட்ட நீதிபதிகள், ‘வருமான வரித்துறையினர் பல்வேறு இடங்களில் சோதனை செய்து பலரை கைது செய்கிறார்கள். வழக்குகளின் எண்ணிக்கையும் அதிகரிக்கின்றன. எனவே, வருமான வரித்துறையில் அதிகாரிகளின் எண்ணிக்கையை அதிகரிக்கலாமே’ என்று கருத்து தெரிவித்தனர்.

மேலும், ‘நாங்கள் வக்கீல்களை நம்பவில்லை என்று எண்ண வேண்டாம். இந்த வழக்கை எல்லோரும் கவனிக்கிறார்கள். எனவே, ஜெயலலிதாவின் சொத்துகள் தொடர்பாக வழக்கு தொடர்ந்தது குறித்து தெரிந்துகொள்ள ஜெயலலிதாவின் அண்ணன் மகள் தீபாவும், மகன் தீபக்கும் வருகிற வெள்ளிக்கிழமை நேரில் ஆஜராக வேண்டும்’ என்று நீதிபதிகள் உத்தரவிட்டனர்.