கேரளா: வன்முறையில் கொல்லப்பட்ட ஆர்.எஸ்.எஸ். தொண்டர் வீட்டிற்கு சென்று அருண் ஜெட்லி ஆறுதல்

தாக்குதலில் படுகாயம் அடைந்த ராஜேஸ் அருகில் உள்ள மருத்துவமனைக்கு உடனடியாக கொண்டு செல்லப்பட்டார். இருப்பினும், மருத்துவமனையில் அவர் சிகிச்சை பலனின்றி உயிரிழந்தார். ராஜேஷை மார்க்சிஸ்ட் கம்யூனிஸ்ட் கட்சியை சேர்ந்தவர்கள் தான் கொன்றனர் என ஆர்.எஸ்.எஸ். மற்றும் பா.ஜ.க.வை சேர்ந்தவர்கள் குற்றஞ்சாட்டியிருந்தனர். இதனால் அங்கு பரபரப்பான சூழல் நிழவி வருகிறது.

இந்நிலையில், மத்திய நிதி மந்திரியும், பா.ஜ.க. மூத்த தலைவருமான அருண் ஜெட்லி இன்று கேரளாவில் உள்ள ராஜேஸின் வீட்டிற்கு சென்று அவரது குடும்பத்தினருக்கு ஆறுதல் கூறினார். இந்த சந்திப்பின் போது கேரள மாநில பா.ஜ.க. தலைவர் கும்மணம் ராஜசேகரன் மற்றும் மூத்த கட்சி தலைவர்கள் உடன் இருந்தனர்.