ஜனநாயகத்தை பாதுகாக்க கிளர்ந்தெழ வேண்டிய நேரமிது - சோனியா காந்தி அறைகூவல்

டெல்லி ராம்லீலா திடலில் இன்று காங்கிரஸ் கட்சி சார்பில் ‘இந்தியாவை காப்பாற்றுங்கள்’ என்ற முழக்கத்துடன்  மாபெரும் பேரணி நடைபெற்றது.

சுமார் ஒரு லட்சம் பேர் திரண்ட இந்த பேரணியில் பேசிய சோனியா காந்தி, ’மோடி-அமித் ஷா தலைமையிலான அரசாங்கம் பாராளுமன்றத்தையும் ஜனநாயக ரீதியிலான இதர அமைப்புகளையும் மதிப்பதில்லை என்று குற்றம்சாட்டினார்.

திருத்தப்பட்ட குடியுரிமை சட்டம் இந்தியாவின் ஆன்மாவை கிழித்துவிடும் என்பதால் இதற்கு எதிராக நாங்கள் போராடுவோம்.

குழப்பமான தலைமை, பதற்றமான நாடு என்ற நிலை இன்று ஏற்பட்டுள்ளது. அநீதிக்கு இலக்காகி கொடுமைக்குள்ளாவதும் மிகப்பெரிய குற்றமாகும்.