ஐ.எஸ். தீவிரவாதிகள் மிரட்டல்: சபரிமலையில் பாதுகாப்பு அதிகரிப்பு

இதனால் நீண்டநேரம் வரிசையில் காத்திருந்த பிறகுதான் சுவாமி அய்யப்பனை தரிசிக்க முடிகிறது. இந்தநிலையில் அய்யப்ப பக்தர்களுக்கு ஐ.எஸ். தீவிரவாதிகளால் உயிருக்கு ஆபத்து ஏற்படக்கூடும் என்ற தகவல் பரவி வருகிறது. இதைதொடர்ந்து போலீசார் உஷார்படுத்தப்பட்டு உள்ளனர்.

சபரிமலைக்கு நாட்டின் பல்வேறு பகுதிகளில் இருந்தும் அய்யப்ப பக்தர்கள் வருகை தருகிறார்கள். அவர்களில் பெரும்பாலானவர்கள் ரெயில் மூலமே சபரிமலை வருகிறார்கள். இதனால் ரெயிலில் அய்யப்ப பக்தர்களுக்கு வழங்கப்படும் உணவு, குடிநீரில் வி‌ஷத்தை கலக்க ஐ.எஸ். தீவிரவாதிகள் திட்டமிட்டு உள்ளதாக புலனாய்வுதுறைக்கு கிடைத்த தகவலை தொடர்ந்து இந்த உஷார் நடவடிக்கை எடுக்கப்பட்டுள்ளது. மேலும் திருச்சூர் உள்பட அனைத்து ரெயில்நிலையங்களில் உள்ள போலீசாருக்கும் உஷாராக இருக்கும்படி அறிவுறுத்தல் சென்றுள்ளது.