பேராசிரியர் நியமனம் குறித்து விசாரித்தால் உண்மைகள் வெளிவரும்: துணைவேந்தர் மீது புகார் அளித்த பெண் பேட்டி

கோவை பாரதியார் பல்கலைக்கழகத்தில் பேராசிரியர் நியமனம் குறித்து விசாரணை நடத்தினால் உண்மைகள் வெளி வரும் என துணைவேந்தர் மீது புகார் அளித்த பெண் பேட்டியளித்துள்ளார்.

Published:7th Nov, 2017 at 3:57 PM

துணை வேந்தர் மீது புகார் கொடுத்த கோவை வடவள்ளி நவாவூர் சுல்தான் புரத்தை சேர்ந்த லட்சுமி பிரபா கூறியதாவது-

நான் கோவை பாரதியார் பல்கலைக் கழகத்தில் உயிர் வேதியியல் பாடப்பிரிவில் முனைவர் பட்டம் பெற்றுள்ளேன்.

இப்பல்கலைக் கழகத்தில் உதவி பேராசிரியை இடம் காலியாக இருப்பதாக அறிந்தேன். இந்த பணிக்கு விண்ணப்பித்தேன். ஆனால் பணி கொடுக்காமல் இழுத்தடித்து வந்தனர். இது தொடர்பாக கடந்த 2014-ம் ஆண்டு உச்ச நீதி மன்றத்தில் வழக்கு தொடர்ந்தேன். இந்த வழக்கு விசாரணை நடைபெற்று வருகிறது.

இந்த நிலையில் போஸ்டர் டாக்டரேட் பிலோசிப்பார் உமன் பட்டத்திற்கு இப்பல்கலைக கழகத்தில் விண்ணப்பித்தேன். அவர்கள் இதனை மானிய குழுவுக்கு அனுப்ப வேண்டும். ஆனால் இதனை அனுப்பாமல் நிராகரித்து வந்தனர்.

கடந்த 20 வருடமாக எனது கணவர் பாரதியார் பல்கலைக் கழகத்தில் தொகுப்பூதிய அடிப்படையில் வேலை பார்த்து வந்தார். அவரை கடந்த பிப்ரவரி மாதம் 23-ந் தேதி வேலையை விட்டு நீக்கி விட்டனர்.

மேலும் அவரை விசாரணை என்ற பெயரில் அழைத்து அலைக்கழித்தனர். இது குறித்து தேசிய தாழ்த்தப்பேட்டார் நல வாரியத்திற்கு மனு அளித்தேன். அவர்கள் விசாரணை நடத்தினர்.