அகஸ்தியர் மலை உலக உயிர்க்கோள் பகுதி: சான்றிதழை தமிழக அரசிடம் ஒப்படைத்தது யுனெஸ்கோ அமைப்பு

இந்நிலையில், அகஸ்தியர் மலை உயிர்கோள் காப்பக பகுதியை உலக உயிர்கோள் காப்பக பகுதி என பட்டியலில் பதிவு செய்யப்பட்ட சான்றிதழினை யுனெஸ்கோ அமைப்பு, தமிழக அரசுக்கு இன்று வழங்கியது. 

அகஸ்தியர் மலைக்கு யுனெஸ்கோ அமைப்பு உயிர்கோள் காப்பக பகுதிகள் சான்றிதழ் ஒப்படைக்கும் நிகழ்ச்சி தலைமைச் செயலகத்தில் இன்று நடைபெற்றது. இந்நிகழ்ச்சியில், தலைமை செயலாளர் கிரிஜா வைத்தியநாதன், சுற்றுச் சூழல் மற்றும் வனத்துறை முதன்மைச் செயலாளார் முகமது நசிமுதின், மத்திய அரசின் சுற்றுச் சூழல், வனம் மற்றும் பருவநிலை மாற்றம் கூடுதல் செயலர் அமிதா பிரசாத் உள்ளிட்டோர் கலந்து கொண்டனர்.