டிரம்ப் அரசின் நெருக்கடியால் அமெரிக்கா சென்று படிக்க இந்திய மாணவர்களிடம் ஆர்வம் குறைந்தது

கடந்த 5 மாதத்தில் 116 பேர் மட்டுமே கல்வி பயில அமெரிக்கா சென்றுள்ளனர். 2015-16-ம் ஆண்டு கால கட்டத்தில் அமெரிக்கா செல்லும் மாணவர்களின் சதவீதம் 14.1 ஆக இருந்தது.

ஆனால் கடந்த 2016 மே மாதம் முதல் 2017 மே வரை 7 சதவீதமாக குறைந்துள்ளது. 2016-ம் ஆண்டு அமெரிக்காவில் 2 லட்சத்து 6 ஆயிரத்து 582 பேர் படித்தனர். 2017-ம் ஆண்டு மே மாதம் வரை கூடுதலாக 116 பேர் சென்றுள்ளனர். இது 0.5 சதவீதம் ஆகும்.

இதன் மூலம் இந்திய மாணவர்களிடம் அமெரிக்க மோகம் அதிரடியாக குறைந்துள்ளதை கண்கூடாக காண முடிகிறது. இதனால் ஐரோப்பா நாடுகளில் கல்வி பயில மாணவர்களின் பார்வை திரும்பி உள்ளது.