சட்டவிரோத தொலைபேசி இணைப்பகங்கள் மூலம் பாகிஸ்தானுக்கு ராணுவ ரகசியங்கள் பரிமாற்றம் - 2 பேர் கைது

மராட்டிய மாநிலம் லாத்தூர் மாவட்டத்தில் சட்டவிரோதமாக தொலைபேசி இணைப்பகம் செயல்பட்டு வருவதாகவும், அங்கிருந்து ராணுவ ரகசியங்கள் பாகிஸ்தான் ராணுவத்துக்கு பரிமாறப்படுவதாகவும் காஷ்மீரை சேர்ந்த ராணுவ உளவு ஏஜென்சியிடம் இருந்து மராட்டிய பயங்கரவாத தடுப்பு பிரிவு போலீசாருக்கு ரகசிய தகவல் கிடைத்தது.

இதைத்தொடர்ந்து, தொலைத்தொடர்பு துறை ஊழியர்களுடன் சேர்ந்து போலீசார் லாத்தூர் மாவட்டம் தியோனி மற்றும் சாகுர் தாலுகாக்களில் அதிரடி சோதனை நடத்தினர். இதில், தியோனி தாலுகா பிரகாஷ் நகரிலும், சாகுர் தாலுகாவிலும் கடந்த 6 மாதங்களாக செயல்பட்டு வந்த இரண்டு சட்டவிரோத தொலைபேசி இணைப்பகங்களை போலீசார் கண்டறிந்தனர்.