கோவையில் உத்தரவை மீறி மாணவர்களிடம் கல்வி கட்டணம் வசூலித்த அரசு பள்ளிகள்

இதே போல குளத்துப்பாளையத்தை சேர்ந்த செல்வராஜ் என்பவர் தனது மகனை தொண்டாமுத்தூரில் உள்ள ஆண்கள் பள்ளியில் பிளஸ்-1 வகுப்பில் சேர்ப்பதற்காக சென்றார். அந்த மாணவர் ஏற்கனவே இந்த பள்ளியில் 6-ம் வகுப்பு முதல் 10-ம் வகுப்பு வரை படித்தார்.

அப்போது கல்வி கட்டணமாக ரூ.1,300 முதல் ரூ. 2ஆயிரம் ஒவ்வொரு வருடமும் கட்டணமாக வசூலித்தனர். தற்போது பிளஸ்-1 வகுப்பில் கலை பிரிவில் சேர்வதற்கு ரூ.5 ஆயிரம் கட்டணமாக செலுத்த வேண்டும் என்று கூறினர்.

இது குறித்து செல்வராஜ் மாவட்ட முதன்மை கல்வி அதிகாரியை சந்தித்து புகார் அளித்தார். புகாரின் பேரில் மாவட்ட முதன்மை கல்வி அதிகாரி உஷா விசாரணை நடத்தி வசூல்செய்யப்பட்ட கட்டணத்தை திருப்பி செலுத்தும்படி உத்தரவிட்டார். மேலும் கல்வி கட்டணம் செலுத்த முடியாமல் பிளஸ்-1 வகுப்பு சேராமல் இருந்து 4 மாணவர்களை பள்ளியில் சேர்த்துக்கொள்ளும் படியும் உத்தரவிட்டார்.

இந்தநிலையில் கலெக்டர் ராஜாமணி அரசு பள்ளிகளில் கல்வி கட்டணம் கேட்டால் உடனடியாக பெற்றோர்கள் புகார் தெரிவிக்கலாம் என தெரிவித்துள்ளார்.