முன்னாள் மேயர் கொலை: குற்றவாளிகளை கைது செய்து சட்டத்தின் முன் நிறுத்த வேண்டும் - மு.க.ஸ்டாலின்

தி.மு.க.வை சேர்ந்த முன்னாள் மேயர் உமா மகேஸ்வரி, அவரது கணவர் உள்ளிட்ட 3 பேர் பயங்கரமாக படுகொலை செய்யப்பட்டிருப்பது அதிர்ச்சியளிக்கிறது. அவர்களின் மரணத்திற்கு ஆழ்ந்த இரங்கலை தெரிவித்துக்கொள்கிறேன்.

தி.மு.க. பெண்ணுரிமைக்காக போராடிய இயக்கம் மட்டுமல்ல. ஆண்களுக்கு நிகராக, சமமாக பொறுப்புகளை வழங்கும் இயக்கம் என்பதற்கிணங்க, 1996-ல் நெல்லை மேயராக தேர்ந்தெடுக்கப்பட்ட உமா மகேஸ்வரி கட்சிப் பணியிலும், பொதுமக்களுக்கான பணியிலும் அனைவரும் போற்றும் வகையில் சிறப்பாக பணியாற்றி தலைவர் கருணாநிதியின் பாராட்டைப் பெற்றவர். அவரை இழந்துவாடும் குடும்பத்தினருக்கும், உறவினர்களுக்கும், கட்சி தொண்டர்களுக்கும் ஆறுதலையும், அனுதாபத்தையும் தெரிவித்துக்கொள்கிறேன்.