அரிசி ராஜா யானைக்கு பெயர் மாற்றிய வனத்துறையினர்

இதையடுத்து தொடர்ந்து மக்களுக்கு அச்சுறுத்தல் ஏற்படுத்தி வரும் இந்த யானையை பிடிக்க வேண்டும் என்று கூறி பொதுமக்கள் போராட்டத்திலும் ஈடுபட்டனர். இதையடுத்து வனத்துறையினர் கடந்த ஆண்டு நவ.14-ந் தேதி தொடர் அட்டகாசத்தில் ஈடுபட்ட அரிசி ராஜா யானையை கலீம், கபில் என்ற கும்கி யானைகள் உதவியுடன் பிடித்தனர். பின்னர் அந்த யானையை டாப்சிலிப் பகுதியில் வரகளியாறு யானைகள் முகாமுக்கு கொண்டு சென்றனர். அங்கு தற்போது அந்த யானை கூண்டுக்குள் அடைத்து வைத்து பராமரிக்கப்பட்டு வருகிறது. தற்போது இந்த யானைக்கு வனத்துறையினர் முத்து என்று பெயர் சூட்டியுள்ளனர்.

இது குறித்து வனத்துறையினர் கூறுகையில், வரகளியாறு முகாமில் இந்த யானையை தவிர்த்து மொத்தம் 27 யானைகள் உள்ளன. ஒவ்வொரு யானைக்கும் நாங்கள் பெயர் வைப்பது வழக்கம். அரிசிராஜா என்பது பொதுமக்கள் வைத்த பெயர் என்பதால் இந்த யானைக்கும் வேறு பெயர் வைக்க முடிவு செய்தோம். இதற்காக 10 பெயர்களை தேர்வு செய்து தலைமை வன பாதுகாவலருக்கு அனுப்பினோம்.