ஆழ்கடலில் படகு கவிழ்ந்து கண் எதிரே 3 பேர் கடலில் மூழ்கினர்: உயிர் தப்பிய மீனவர் பேட்டி

எங்களின் படகு தூக்கி வீசப்பட்டதில் நானும், என்னோடு இருந்தவர்களும் கடலில் விழுந்தோம். என் கண் எதிரே 3 பேர் கடலுக்குள் மூழ்கினர். நான் மட்டும் உடைந்த படகின் துண்டுகளை பிடித்துக் கொண்டு நீந்தினேன். கடவுளின் அருளால் அந்த வழியாக கட்டுமரத்தில் வந்தவர்கள் என்னை மீட்டனர். என்னோடு இருந்த மற்றவர்களின் கதி என்ன? என்று தெரியவில்லை.

இவ்வாறு அவர் கூறினார்.

நீரோடி துறையில் இருந்து கடலுக்கு சென்ற வர்கீஸ் என்பவரின் தாயார் கடற்கரையில் நின்றபடி அலைகளை பார்த்துக் கொண்டு இருந்தார். இதுபோல ஏராளமானோர் உறவினர்களை காணவில்லை என்று கதறியபடி சுற்றி வந்தனர். அப்போது மகனை தேடி அலைந்த பெண் ஒருவர் மயங்கி விழுந்தார். அவரை அருகில் இருந்தவர்கள் மீட்டு முதலுதவி அளித்தனர்.