ஜூனியர் உலக கோப்பை கால்பந்து போட்டி மாபெரும் வெற்றி: இந்தியாவுக்கு, பிபா பாராட்டு

வருங்காலங்களில் இந்தியா இதுபோல் ‘பிபா’ வின் பெரிய போட்டிகளை நடத்த முடியும். இந்த மாதிரியான உள்கட்டமைப்பு வசதிகள் வைத்து இருப்பதற்கு இந்தியா பெருமைப்பட்டுக் கொள்ளலாம். இந்த போட்டி தொடர் நிறைய பேரின் இதயங்களை கவர்ந்து இருக்கிறது. இந்தியாவை கால்பந்தின் தேசமாக மாற்றுவதற்கான அனைத்து முயற்சிகளையும் அகில இந்திய கால்பந்து சங்கத்துடன் இணைந்து செய்வோம்.

இவ்வாறு அவர் கூறினார்.

பேட்டியின் போது அகில இந்திய கால்பந்து சம்மேளன தலைவர் பிரபுல் பட்டேல் உடனிருந்தார்.

‘பிபா’ உலக கோப்பை ஒன்றை இந்தியா நடத்தியிருப்பது இதுவே முதல் முறையாகும். இதுவரை 12 லட்சத்து 24 ஆயிரத்து 27 பேர் இந்த கால்பந்து திருவிழாவை நேரில் ரசித்து இருக்கிறார்கள்.

1985-ம் ஆண்டு சீனாவில் நடந்த முதலாவது உலக கோப்பை போட்டியை 12 லட்சத்து 30 ஆயிரத்து 976 பேர் நேரில் பார்த்ததே அதிகபட்ச எண்ணிக்கையாகும். அதை முறியடிப்பதற்கு 6,949 ரசிகர் எண்ணிக்கையே தேவை. இன்னும் 2 ஆட்டங்கள் இருப்பதால் பார்வையாளர் எண்ணிக்கையில் இந்தியா சாதனை படைப்பது உறுதி.

இதே போல் இதுவரை 50 ஆட்டங்களில் 170 கோல்கள் பதிவாகியுள்ளன. இன்னும் 3 கோல்கள் அடிக்கப்பட்டால் அதிக கோல்கள் அடிக்கப்பட்ட தொடராகவும் இது அமையும்.