பேஸ்புக் நிறுவனத்தின் இந்திய நிர்வாக இயக்குநர் பதவி விலகல்

21 கோடி பயனாளிகளுடன் அமெரிக்காவுக்கு அடுத்தபடியாக மாதந்தோறும் பேஸ்புக் பயன்படுத்துபவர்களின் எண்ணிக்கை இந்தியாவில்தான் அதிகமாக உள்ளது. இந்நிலையில், அடோப் இந்தியா நிறுவனத்தில் பணியாற்றிவந்த உமங் பேடி என்பவர் கடந்த 2016-ம் ஆண்டு ஜூலை மாதம் பேஸ்புக் நிறுவனத்தின் இந்தியா மற்றும் தெற்காசியாவுக்கான நிர்வாக இயக்குநராக பொறுப்பேற்றார்.

இந்நிலையில், நாளொரு மேனி - பொழுதொரு வண்ணமாக வளர்ச்சி அடைந்துவரும் பேஸ்புக் நிறுவனத்தில் இருந்து விலக உமங் பேடி தீர்மானித்துள்ளார். அவரை வரும் டிசம்பர் மாத இறுதியில் விடுவிக்க பேஸ்புக் நிறுவன தலைமை விருப்பம் தெரிவித்துள்ளது.