டாஸ் வென்ற இங்கிலாந்து பேட்டிங் தேர்வு செய்தது. அயர்லாந்து வேகப்பந்து வீச்சாளரான டிம் முர்டாக்கின் (5 விக்கெட்) பந்து வீச்சை எதிர்கொள்ள முடியாமல் இங்கிலாந்து முதல் இன்னிங்சில் 85 ரன்னில் சுருண்டது.
பின்னர் பேட்டிங் செய்த அயர்லாந்து முதல் இன்னிங்சில் 207 ரன்கள் சேர்த்தது. இங்கிலாந்து 112 ரன்கள் பின்தங்கிய நிலையில் 2-வது இன்னிங்சை தொடங்கியது. ஜேக் லீச் (92), ஜேசன் ராய் (72), ஜோ ரூட் (31), சாம் குர்ரான் (37) ஆகியோரின் சிறப்பான பேட்டிங்கால் 303 ரன்கள் குவித்தது.
இதனால் இங்கிலாந்து 191 ரன்கள் முன்னிலைப் பெற்றது. இன்றைய 3-வது நாளில் 192 ரன்கள் அடித்துவிட்டால் வரலாற்று சிறப்புமிக்க வெற்றியை பெற்றுவிடலாம் என்று அயர்லாந்து 2-வது இன்னிங்சில் பேட்டிங் செய்தது.
இதனால் 15.4 ஓவர்கள் மட்டுமே தாக்குப்பிடித்து 38 ரன்னில் சுருண்டு படுமோசமான வகையில் தோல்வியை சந்தித்தது அயர்லாந்து. பிராட் 8 ஓவர்கள் வீசி 19 ரன்கள் மட்டுமே விட்டுக்கொடுத்து 4 விக்கெட்டுக்கள் வீழ்த்தினார். கிறிஸ் வோக்ஸ் 7.4 ஓவர்கள் வீசி 17 ரன்கள் மட்டுமே விட்டுக்கொடுத்து 6 விக்கெட்டுக்கள் சாய்த்தார்.