சென்னையில் மின்சார பஸ் இயக்க திட்டம் - சோதனை ஓட்டம் நடந்தது

உலகம் முழுவதும் எரிபொருளை சேமிக்க மின்சாரம் மூலமும், இயற்கை எரிவாயு மூலமும் வாகனங்களை இயக்க தீவிர முயற்சிகள் மேற்கொள்ளப்பட்டு வருகிறது. மின்சாரத்தை அதிக அளவில் சார்ஜ் செய்து வைத்துக்கொள்ளும் நவீன பேட்டரியுடன் கூடிய மின்சார பஸ் மற்றும் வாகனங்களை உருவாக்கும் ஒரு நிறுவனம் இங்கிலாந்து நாட்டில் உள்ளது. இந்த நிறுவனத்தை அசோக் லேலாண்ட் நிறுவனம் வாங்கி உள்ளது.

தற்போது அங்கு நவீன பேட்டரியுடன் கூடிய மின்சார பஸ் மற்றும் வாகனங்கள் உற்பத்தி செய்யப்பட்டு வருகிறது. இந்த நவீன பேட்டரியுடன் கூடிய மின்சார பஸ்களை இயக்குவதன் மூலம் செலவினம் குறைவாகும் என்றும், இதை செயல்படுத்த தமிழக அரசு தயாராக இருக்கும் பட்சத்தில் நவீன பேட்டரியுடன் கூடிய மாதிரி மின்சார பஸ்சை இயக்கி காண்பிக்க தயாராக இருப்பதாகவும் தமிழக அரசை, அசோக் லேலாண்ட் நிறுவனம் கேட்டுக்கொண்டது. இதைதொடர்ந்து, மாதிரி பஸ்சை இயக்கி காண்பிக்க தமிழக அரசு கூறியது.