ஜெயலலிதா வழியில் ஒற்றுமையாக பணியாற்றுவோம்: எடப்பாடி-ஓ.பி.எஸ். தலைமையில் உறுதிமொழி

‘‘கழகம் நமக்கு என்ன செய்தது?’’ என்பதைவிட ‘‘கழகத்திற்கு நாம் என்ன செய்தோம்?’’ என்ற கேள்வியை நம் இதயத்தில் எழுப்பி ஒற்றுமையுடனும், உறுதியுடனும் கழகப் பணிகளை ஆற்றிடுவோம்.

* எனக்கு பின்னாலும் இன்னும் எத்தனை நூற்றாண்டுகள் வந்தாலும் அ.தி.மு.க. மக்களுக்காகவே இயங்கும் என்ற அம்மாவின் சூளுரையை மனதில் கொள்வோம்.

* மக்கள் மனதில் நீங்காது நிறைந்திருக்கும் அம்மா அமைத்து தந்த கழக அரசினை வெற்றிமேல் வெற்றி பெறச்செய்வோம்.

* அ.தி.மு.க.வை வளர்த்து கட்டிக்காத்த அம்மாவின் வழியில் கழகத்தின் உண்மை தொண்டராகவும், நம்பிக்கைக்குரிய விசுவாசியாகவும் தொடர்ந்து உழைத்திடுவோம்.

* விக்கிரவாண்டி, நாங்குநேரி சட்டசபை இடைத்தேர்தலில் ஒற்றுமையாகவும், கடினமாகவும் உழைத்து வெற்றிபெற்றது போல் வருகிற உள்ளாட்சி தேர்தலிலும் மாபெரும் வெற்றி பெற்று கழகத்தை வெற்றி சிகரத்தில் வீற்றிருக்க செய்வோம்.

* தமிழர் உள்ளங்களில் அம்மா, தமிழர் இல்லங்களில் அம்மா, இருந்தபோதும் அம்மா, மறைந்த பிறகும் அம்மா, அப்போதும் அம்மா, இப்போதும் அம்மா, எப்போதும் அம்மா அந்த இதய தெய்வத்தின் வழியில் கழகத்தை காப்போம். வெல்வோம், களம் அனைத்திலும் வெல்வோம்.

இவ்வாறு உறுதிமொழி எடுத்துக்கொண்டனர்.