எடப்பாடி அரசுக்கு எதிராக துண்டு பிரசுரம்: தினகரன், புகழேந்தி, வெற்றிவேல் மீது வழக்கு

இதன் பேரில் தினகரன், புகழேந்தி, வெற்றிவேல் எம்.எல்.ஏ. முன்னாள் எம்.எல்.ஏ. எஸ்.கே.செல்வம், வெங்கடாசலம் உள்பட 17 பேர் மீது போலீசார் வழக்குப்பதிவு செய்தனர்.

இதையடுத்து போலீசார் தினகரன் ஆதரவாளர்களை கைது செய்யும் நடவடிக்கையில் ஈடுபட்டனர். இன்று காலை வெங்கடாசலம் உள்பட 3 பேர் கைது செய்யப்பட்டனர். மற்றவர்களை கைது செய்ய முடிவு செய்துள்ளனர்.

கைதான வெங்கடாசலம் நிருபர்களிடம் கூறியதாவது:-

நீட் தேர்வை ரத்து செய்யக்கோரி சேலத்தில் தினகரன் அணியை சேர்ந்த நாங்கள் கடந்த 29-ந்தேதி துண்டுபிரசுரம் செய்து பிரசாரத்தில் ஈடுபட்டோம். இந்த செயலை அரசுக்கு எதிராக அவதூறு பரப்பியதாக கூறி போலீசார் எங்களை கைது செய்து இருக்கிறார்கள். இது அரசியலில் பழி வாங்கும் நடவடிக்கையாகும்.

தினகரன் அணியை சேர்ந்த எங்கள் மீது வேண்டும் என்றே அரசு எங்களது செயல்பாட்டை முடக்கும் வகையில் கைது நடவடிக்கையில் ஈடுபட்டுள்ளது. இது போன்ற நடவடிக் கைகளை கண்டு நாங்கள் அஞ்சமாட்டோம்.

தமிழகத்தில் நீட் தேர்வை ரத்து செய்யும் வரை எங்களது போராட்டம் ஓயாது. இது போன்று எத்தனை வழக்குகள் வந்தாலும் நாங்கள் சந்திக்க தயாராகவே உள்ளோம்.

இவ்வாறு அவர் கூறினார்.

தமிழ்நாட்டில் பேச்சு சுதந்திரத்தை முடக்க பொய் வழக்கு பதிவு செய்யப்பட்டுள்ளது. என் மீதும் மற்றவர்கள் மீதும் போடப்பட்டுள்ள வழக்கை சட்டப்படி சந்திப்போம் என்றார்.