அ.தி.மு.க. துணை பொதுச் செயலாளர் யார்?: தலைமை தேர்தல் கமிஷன் தகவல்

இதற்கிடையில், ஊழல் வழக்கில் தண்டிக்கப்பட்ட சசிகலா, அ.தி.மு.க.வின் தேர்ந்தெடுக்கப்பட்ட பொதுச் செயலாளர் என்ற முறையில் துணை பொதுச் செயலாளராக தினகரனை நியமித்தது செல்லுபடியாகுமா? என்ற கேள்வி ஒருபக்கம் அக்கட்சியின் அடிப்படை தொண்டர்களை குழப்பி வருகிறது.

இந்த குழப்பத்துக்கு விளக்கம்பெறும் வகையில் சென்னை தி.நகரை சேர்ந்த ஒருவர் அ.தி.மு.க. தலைமையின் தற்போதைய நிலைப்பாடு என்ன? என்று கடந்த 23-6-2017 அன்று தகவல் அறியும் உரிமை சட்டத்தின்கீழ் சில கேள்விகளை எழுப்பி இருந்தார்.

இதற்கு விளக்கம் அளிக்க வேண்டிய தலைமை தேர்தல் கமிஷனுக்கு அவரது கேள்விகள் அனுப்பி வைக்கப்பட்டது. இதுதொடர்பாக, டெல்லியில் உள்ள தலைமை தேர்தல் கமிஷன் அலுவலகம் கடந்த 11-7-2017 அன்று மனுதாரருக்கு பதில் அனுப்பியுள்ளது.

‘உங்களது (தலைமை தேர்தல் கமிஷன்) அலுவலகத்தில் காணப்படும் பதிவுகளின்படி, அ.தி.மு.க.வின் தற்போதைய பொதுச் செயலாளர் யார்?, அவர் எப்போது அந்தப் பொறுப்பை ஏற்றுக் கொண்டார்? அக்கட்சியின் பொதுச் செயலாளர் யார்? என்பவை உள்ளிட்ட ஐந்து கேள்விகளில் மூன்று கேள்விகளுக்கான பதிலை தலைமை தேர்தல் கமிஷன் அலுவலகம் தெரிவித்துள்ளது.