தேர்தல்களில் வாக்காளர்கள் ஓட்டு போடுவதற்கு கையுறை வழங்கப்படும் - தேர்தல் கமி‌‌ஷன் அறிவிப்பு

கொரோனா காலத்தில் நடத்தப்படும் தேர்தல்களில் வாக்காளர்கள் ஓட்டுபோடுவதற்கு கையுறை வழங்கப்படும் என தேர்தல் கமி‌‌ஷன் அறிவித்து உள்ளது.

மாலை மலர்

Published:23rd Aug, 2020 at 12:00 AM

புதுடெல்லி:

நாடு முழுவதும் கொரோனா தொற்று வேகமாக பரவி வருகிறது. தினமும் 50 ஆயிரத்துக்கும் மேற்பட்ட புதிய நோயாளிகளையும், ஆயிரங்களில் மரணத்தையும் உருவாக்கி வரும் கொரோனாவின் வேகத்துக்கு இதுவரை தடை போட முடியவில்லை.

இவ்வாறு அதிகரித்து வரும் கொரோனா தொற்றுக்கு மத்தியிலும் மேற்கொள்ளப்பட வேண்டிய அவசிய நடவடிக்கைகளில், தேர்தல்களும் ஒன்றாகும். பல்வேறு மாநிலங்களில் சட்டசபை இடைத்தேர்தல்கள் நடத்த வேண்டியுள்ளன.

மேலும் பல மாநிலங்களில் அடுத்தடுத்து சட்டசபை தேர்தல்கள் நடத்த வேண்டியுள்ளது. இதில் பீகார் மாநிலம் முதலில் தேர்தல் களத்தை காண உள்ளது. அங்கு வருகிற அக்டோபர் அல்லது நவம்பர் மாதத்தில் தேர்தல் நடத்தப்படும் என எதிர்பார்க்கப்படுகிறது.

அதிகரிக்கும் கொரோனா தொற்றுக்கு மத்தியில் நடத்தப்பட இருக்கும் இந்த தேர்தல்களுக்கான வழிகாட்டு நெறிமுறைகளை தேர்தல் கமி‌‌ஷன் நேற்று வெளியிட்டு உள்ளது. அதன் விவரங்கள் வருமாறு:-

* ஓட்டுப்பதிவு நடைபெறும் மின்னணு வாக்குப்பதிவு எந்திரங்களின் பொத்தானை பலரும் அழுத்த வேண்டியிருப்பதால், வாக்காளர்கள் அனைவருக்கும் கையுறைகள் வழங்கப்படும். இது பெரும்பாலும் ஒருமுறை பயன்படுத்த உகந்தவையாக இருக்கும்.