காஷ்மீர் இளைஞர்கள் அனைவரையும் கல்லெறி கும்பல்களாக சித்தரிக்கும் விவாதம் வேண்டாம்: மெகபூபா முப்தி

காஷ்மீரில் அரசியல் குழப்பம், அமைதியின்மை 1947 ஆம் ஆண்டிலிருந்தே இருந்து வருகிறது. கடந்த இரண்டு மாதங்களில் இங்கு நிலைமை மோசமடைந்துள்ளது. 1950 ஆம் ஆண்டுகளில் பொதுவாக்கெடுப்பு கோரி நடந்த போராட்டங்கள் 22 ஆண்டுகளுக்கு நீடித்தது. பின்னர் அமைதி சிறிது காலம் நீடித்தது. மீண்டும் 1990-க்குப் பிறகு அமைதி குலைந்தது.

காஷ்மீர் பள்ளத்தாக்கிலுள்ள அனைத்து இளைஞர்களும் வன்முறையாளர்கள் கிடையாது. அனைவரும் கல்லெறியும் நபர்கள் கிடையாது. ஜம்மு-காஷ்மீர் இந்தியாவின் ஆன்மா. காஷ்மீரிகளுக்கு அவர்கள் மாநிலம் மட்டுமல்ல, இந்தியாவின் ஒவ்வொரு அங்குலமும் சொந்தம். அவர்கள் அதை உறுதிப்படுத்திக் கொள்ள வேண்டும்.