பிற்படுத்தப்பட்டோருக்கு ஒரு நீதி? பொருளாதாரத்தில் பின்தங்கியவர்களுக்கு ஒரு நீதியா?- ஐகோர்ட்டில் திமுக தரப்பு வாதம்

இந்த வழக்குகளுக்கு மத்திய அரசு சார்பில் தாக்கல் செய்யப்பட்ட பதில் மனுவில், ‘மருத்துவ படிப்பில் அகில இந்திய ஒதுக்கீட்டு இடங்களில் இதர பிற்படுத்தப்பட்ட வகுப்பினருக்கு 27 சதவீத இடஒதுக்கீடு வழங்கக் கோரி தொரடப்பட்ட வழக்கு சுப்ரீம் கோர்ட்டில் வருகிற ஜூலை 8-ந்தேதி விசாரணைக்கு வர உள்ளது. சுப்ரீம் கோர்டடு பிறப்பிக்கும் உத்தரவின்படி அடுத்தக்கட்ட நடவடிக்கை எடுக்கப்படும். எனவே, மனுதாரர்கள், சுப்ரீம் கோர்ட்டை அணுகும்படி உத்தரவிட வேண்டும்‘ என்று கூறப்பட்டு இருந்தது.

இந்தநிலையில், இந்த வழக்குகள் எல்லாம் நீதிபதி ஆர்.சுப்பையா, கிருஷ்ணன் ராமசாமி ஆகியோர் முன்பு நேற்று மீண்டும் விசாரணைக்கு வந்தது. அப்போது, சுப்ரீம் கோர்ட்டில் ஜூலை 8-ந்தேதி விசாரணைக்கு வர உள்ள வழக்கு குறித்த விவரத்தை கூடுதல் சொலிசிட்டர் ஜெனரல் ஜி.ராஜகோபால் கூறினார்.